28 ოქტომბერს ახალი სრულმეტრაჟიანი ფილმის „სიზონის“ პრემიერა გაიმართება. ფილმის მწარმოებელი კომპანია „მეტრო სტუდიაა“, რეჟისორია დავით ბორჩხაძე. „მეტრო სტუდიის“ სახელი სულ უფრო ხშირად გვესმის. სწორედ ამ სტუდიას ეკუთვნის ნანუკა ჟორჟოლიანის ანიმაციური გმირი და მისი გადაცემის ქუდი. რაც შეეხება „სიზონს“, მისი პროდიუსერი თეზი გობეჯია, კომპოზიტორი კი დავით ევგენიძეა. ფილმში მთავარ როლებს ნიკა ბახტაძე, რეზი გოგიშვილი, ჯეჯი სხირტლაძე და რატი ბაქრაძე თამაშობენ. ოთხი გმირი, რომელიც დაცარიელებულ ზღვისპირა ქალაქში რჩება. აღსანიშნავია, რომ ფილმის მთავარი როლების შემსრულებლები არ არიან ცნობილი მსახიობები. როგორც ჩანს, რეჟისორმა აქცენტი ახალ სახეებზე გააკეთა. ფილმს საზოგადოება დიდი ხანია, ელოდება შთამბეჭდავი თრილერის გამო. ფილმის ჟანრი მისტიკაა, ასეთი ჟანრის ფილმი ქართულ კინოეკრანებზე პირველად გამოდის. რამდენად კარგია, ამას ყველა ერთად, საქართველოს კინოთეატრებში ვნახავთ.