რეჟისორმა დათო იმედაშვილმა „ოცნების ქალაქით“ ერთგვარი გადატრიალება მოახდინა და შექმნა მაღალხარისხიანი, ლამაზი ქართული ფილმი. ჩაშლილი პროექტის შემდეგ, სადაც მონაწილეობა პამელა ანდერსონს უნდა მიეღო, დათო არ ჩერდება და ახლა „რუსთავი 2“-ის დაკვეთით სერიალის გადაღებას იწყებს. „რუსთავი 2-მა“ ახალ სეზონზე რამდენიმე პროექტი გააჩერა – „ჩვენ ოფისს“, „გუნცაძეებიც“ მიჰყვა. ახალი სერიალი, რომელსაც „მეზობლები“ ერქმევა, ეკრანზე იანვრიდან გამოჩნდება და სავარაუდოდ ყოველ შაბათ-კვირას გავა. სერიალი იქნება საოჯახო ტიპის, კომედიური ჟანრის. რამდენიმე დღის წინ კი, ქასთინგების პრომოსთვის „რუსთავი 2-ის“ ლამაზმანები გადაიღეს. (გადამღები ჯგუფი საყოველთაო ქასთინგს იწყებს, სადაც მონაწილეობის მიღება ყველა მსურველს შეუძლია) გვანცა დარასელია, ანუკი და ლიკა ქორქიები, მანიკა ასათიანი – დედაქალაქის ულამაზესი გოგონები მართალია პრომოში მონაწილეობენ, მაგრამ იმედს ვიტოვებთ, რომ მათ სერიალშიც ვიხილავთ და ისინი ყოველ შაბათ-კვირას გაგვილამაზებენ.