მას შემდეგ რაც „იმედის“ ეთერში სერიალი „გოგონა გარეუბნიდან“ გავიდა თორნიკე გოგრიჭიანი, იგივე ნიკა კეკელიძე, თბილისელი გოგონებისთვის ყველაზე სასურველ ბიჭად იქცა. ნამდვილი ვარსკვლავი ჰოლივუდური გაგებით – მასზე გიჟდებიან, უყვართ, ოცნებობენ – გაცნობაზე... დღე არ გავა, „ფეისბუქზე“, თუკი ვინმემ იცის, რომ ჟურნალისტი ვარ, თორნიკეს ნომერი არ მთხოვოს. მეც, რა თქმა უნდა, დელიკატურ უარს ვეუბნები. თუმცა, ამ ყველაფრის ფონზე გასაკვირია, რომ მასზე ბევრი ჭორი არ გავრცელებულა, მიზეზი, ალბათ, ის არის, რომ თორნიკე იშვიათად ჩნდება საზოგადოებრივი თავშეყრის ადგილებში და მედიასთან. მაგრამ, მის შესახებ ერთი ამბავი უკვე გავიგეთ. როგორც ამბობენ, თორნიკეს რომანი აქვს ნინო ქორიძესთან, რომელიც ამავე სერიალში თამაშობს. ნინო თორნიკეზე ასაკით დიდია, მაგრამ არაჩვეულებრივ ფორმაშია. თორნიკე 31 ოქტომბერს ოცდაოთხი წლის ხდება, ნინოსთან მისი ასაკობრივი სხვაობა დაახლოებით ათი წელია. ნინოს პირველი მეუღლისგან დიდი შვილი ჰყავს, რომელიც ამჟამად უცხოეთში სწავლობს. სერიოზულია თუ არა მათი ურთიერთობა, ეს ჩვენთვის ცნობილი არ არის. თუმცა, იქიდან გამომდინარე, რომ ვერც ერთთან დაკავშირება ვერ შევძელით, ხმები მათი სასიყვარულო ურთიერთობის შესახებ ვერ გადავამოწმეთ.