იაპონიის ქალაქი კობე, რომლის ზოოპარკშიც სექტემბრის დასაწყისში მამალი პანდა მოკვდა, იძულებული გახდება ჩინეთს 500 ათასი დოლარი გადაუხადოს. პანდა, მეტსახელად „კოუ-კოუ“, სექტემბრის დასაწყისში გარდაიცვალა. ცხოველს ოპერაციის წინ ნარკოზი გაუკეთეს, რათა მიეღოთ სპერმა დედალი პანდის გასანაყოფიერებლად. პანდა-დონორი ნარკოზის გაკეთებიდან რამდენიმე საათში მოკვდა.

14 წლის კოუ-კოუ კობეს ზოოპარკმა ჩინეთისგან არენდით 2000 წელს აიყვანა. ცხოველის სიკვდილამდე რამდენიმე ხნით ადრე არენდის ვადა 5 წლით ანუ 2015 წლამდე გაგრძელდა. ინციდენტის მიზეზის გამოსაკვლევად, სექტემბრის შუა რიცხვებში იაპონიაში ჩავიდნენ ჩინელი ექსპერტები. კობეს ზოოპარკის სპეციალისტებთან ერთად მათ გაარკვიეს, რომ პანდას სიკვდილის მიზეზი გახდა ის, რომ ნარკოზიდან გამოსვლის შემდეგ ცხოველს პირღებინება დაეწყო და გაიგუდა.

ჩინელმა ექსპერტებმა ჩათვალეს, მიუხედავად იმისა, რომ პანდას სიკვდილში შეცდომა და დანაშაული ზოოპარკს არ მიუძღვის, სიკვდილი ბუნებრივი არ იყო. ამიტომ ქალაქ კობეს ადმინისტრაციამ ჩინეთის მხარეს უნდა გადაუხადოს 500 ათასი დოლარი.