„ჩვენი მზის სისტემის საზღვრებს გარეთ, დედამიწიდან 20 სინათლის წლის მანძილზე, აღმოჩენილია პლანეტა, რომელიც სიცოცხლისთვის ვარგისია“, – ამ დასკვნამდე მივიდნენ. კალიფორნიის უნივერსიტეტის ქალაქ სანტა-კრუზისა და ვაშინგტონის კარნეგის ინსტიტუტის მეცნიერები ჰავაის შტატში დამონტაჟებული ოპტიკური ტელესკოპის „კეკ-1-ის“ დახმარებით, რომელიც უმსხვილესად ითვლება დედამიწაზე არსებულ მსგავსი ტიპის ხელსაწყოებს შორის. სასწორის თანავარსკვლავედში აღმოჩენილ ამ ახალ ციურ სხეულს მიენიჭა დასახელება „581ჯ“.ის სამ-ოთხ-ჯერ მძიმეა ჩვენს პლანეტაზე, ბრუნავს ვარსკვლავ „გლიზ 581-ის“ (წითელი ჯუჯა) ირგვლივ. მისი ბრუნვის პერიოდი დედამიწის 37 დღე-ღამეს შეადგენს.

მის ზედაპირზე შეიძლება წყალი თხევად მდგომარეობაში იყოს, გრავიტაციის ძალის სიდიდე კი ატმოსფეროს არსებობაზე მიუთითებს. თუ ეს დასკვნები სინამდვილეს შეესაბამება, მაშინ, ლაპარაკია პლანეტაზე, რომელსაც აქვს სიცოცხლისთვის ყველაზე ოპტიმალური პირობები იმ ციურ სხეულთა შორის (რასაკვირველია, დედამიწის შემდეგ), რომლებიც დღემდეა აღმოჩენილი.