აფრიკული ფესვების მქონე იტალიელი ფორვარდი, მარიო ბალოტელი, მილანის „ინტერიდან“ „მანჩესტერ სიტიში“ ზაფხულში გადაბარგდა და მისი ოჯახის წევრებმა ბრიტანეთის ათვისება უკვე დაიწყეს. მაგალითად, მარიოს დამ, აბიგაილმა, გადაწყვიტა, რომ მისი მოწოდება მოდელობაა და, მართალია, ტან-ფეხი არ უვარგა, გახდა მაინც გადაწყვიტა და მჯდომარე მდგომარეობაში რაღაც-რაღაცეები გამოაჩინა.

„ყოველთვის ვიცოდი, რომ მოდელი გავხდებოდი და ახლა ეს ოცნება ამიხდა. თან, ძალიან მინდა, სამოდელო სამყაროში ჩემს ძმას საცოლე მოვუნახო. ის ძალიან კარგი ადამიანია და ზუსტად ვიცი, როგორი გოგო გაუგებს. ერთი უკვე შერჩეული მყავს, მაგრამ, ჯერჯერობით ეს მისთვის არ მითქვამს“, – განაცხადა აბიგაილმა.

ისე, საინტერესოა, შერჩეულ გოგოს რომ ეტყვის, ჩემს ძმას ცოლად გაჰყევიო, იმ მოდელს როგორი რეაქცია ექნება.