გენუის „ჯენოას“ ფორვარდი, კახა კალაძის თანაგუნდელი ლუკა ტონი, აგერ უკვე მეთორმეტე წელია, მარტა ჩეკეტოს ხვდება და წყვილმა შარშან ჯვარიც დაიწერა. ამის მიუხედავად, ლუკა ხანდახან გაძრომას და სხვა ქალებთან გასეირნებას მაინც ახერხებს (ახლა ქალების უმრავლესობამ გაიფიქრა, რომ ყველა კაცი ერთნაირია). წყვილს ურთიერთობის მეთორმეტე წლისთავი გასულ კვირას ჰქონდა და მათ გადაწყვიტეს, რომ ეს დღე სარდინიაზე აღენიშნათ. მათ მეგობრებთან ერთად დაისვენეს, მერე კი მარტა ჟურნალისტებმა გამოიჭირეს.

„არანაირი პრობლემა არ მაქვს, თუ ლუკა ხანდახან სადმე გაძვრება; ის ხომ ჩემია და ბოლოს მაინც ჩემთან ბრუნდება. ლუკა დიდი ბავშვია და ბავშვურ სისუსტეებს ვპატიობ ხოლმე“, – განაცხადა მარტამ (ახლა კაცების უმრავლესობამ გაიფიქრა, არ შეიძლება, ყველა ქალი მარტასავით ფიქრობდესო?