ჯემამ მორიგი მილიონი „ააგდო“
კრიშტიანუ რონალდუს ყოფილი ქალი, ჯემა ატკინსონი, მილიონების შოვნას განაგრძობს. მას შემდეგ, რაც 22 წლის ტელეწამყვანმა რონალდუს გული მოინადირა და მასთან ერთად საზოგადოებაში ნახევარი წლის განმავლობაში ჩნდებოდა, მამაკაცთა ჟურნალები მისი სხეულით დაინტერესდნენ და ჯემაც სიხარულით მონაწილეობდა ფოტოსესიებში. ერთი ეგ იყო, იგი ბოლომდე გაშიშვლებას არასდროს თანხმდებოდა, აქაოდა, პატიოსანი ქალი ვარ და ამის გაკეთებას არ ვაპირებო.
ახლა კი, როცა მის მიმართ ინტერესი მინელდა, ატკინსონმა გადაწყვიტა, ისევ დაბრუნებულიყო პოპულარობის პიკზე და ბოლომდე გაშიშვლებას დასთანხმდა.
„დრო მოვიდა, გამოვაჩინო ის, რაც ყველაზე მეტად აინტერესებთ. დარწმუნებული ვარ, ჩემი სხეული ყველას მოეწონება და კომპლიმენტებიც არ მომაკლდება,“ – განაცხადა ჯემამ, მაგრამ, ის კი არ უთქვამს, რომ საკუთარი შიშველი ფოტოების გადაღების ექსკლუზიური უფლება გაგანია ფინანსურ კრიზისში მილიონ დოლარად გაყიდა. მთლიანობაში კი რონალდუსთან კავშირის შემდეგ ჯემამ რვა მილიონამდე ფული იშოვა.