პოლიტიკოს დავით საგანელიძეს 5 ოქტომბერს უბედნიერესი დღე გაუთენდა, – იგი ბიჭის მამა გახდა. პატარა ვაჟკაცს ბაბუის პატივსაცემად ნოდარი დაარქვეს. ახალშობილის წონა 3 კილოგრამი და 900 გრამია, სიგრძე კი – 52 სანტიმეტრი.

ბატონი დათოს მეუღლე, სოფო, ექიმმა ზურაბ დარახველიძემ ამშობიარა ჩაჩავას კლინიკაში. მშობიარობამ მშვიდობიანად ჩაიარა და დედა-შვილი თავს კარგად გრძნობს. როგორც ბედნიერმა მამიკომ გვითხრა, მის მემკვიდრეს არაჩვეულებრივი ხასიათი და გადასარევი მადა აქვს. ისე, კაცმა რომ თქვას, ამ ასაკში ჯერჯერობით მეტი არც მოეთხოვება.

ჟურნალი „თბილისელები“ ულოცავს ბატონ დათოს და სოფოს პირველი შვილის დაბადებას და ყველაფერ საუკეთესოს უსურვებს ბედნიერ ოჯახს.