ლონდონის „არსენალისა“ და მექსიკის ნაკრების ნახევარმცველ კარლოს ველას კვირაში ხელფასის სახით 30 ათას გირვანქას უხდიან და როცა ასეთი ანაზღაურება გაქვს, მეგობრებში ფულის დახარჯვა არ გენანება. ამას წინათ, მექსიკის ნაკრები კოლუმბიას ამხანაგურად გაეჯიბრა და მოუგო კიდეც. გამარჯვების აღსანიშნავად ველამ ნაკრების 15 წევრი სასტუმროში დაპატიჟა და იქ 14 მეძავი დაახვედრა, მე-15 კი ტრანსვესტიტი იყო. ამ უკანასკნელის დაპატიჟება უშუალოდ ყველას ინიციატივა ყოფილა და მთელი საღამო კარლოსი მას გვერდიდან არ მოშორებია.

რა თქმა უნდა, ეს ამბავი ბრიტანულმა გაზეთებმაც შეიტყვეს და მაშინვე ველას დაადგნენ. მან ყველაფერი უარყო და განაცხადა, რა მეძავები, უბრალოდ, მეგობრებმა თითო ჭიქა ვისკი დავლიეთო, თუმცა...

„ჩვენ მექსიკაში სპეციალური კორესპონდენტი გავგზავნეთ და გარდა იმისა, რომ სასტუმროში დაუდასტურეს ფეხბურთელთა ღრეობის შესახებ, ფოტოც მისცეს, რომელზეც ველა და ის ტრანსვესტიტი არიან აღბეჭდილნი“, – წერია გაზეთ „სანში“ და რა თქმა უნდა, ამ ყველაფერს ფოტოც ერთვის.