მილანის „ინტერისა“ და ბრაზილიის ნაკრების მეკარის, ჟულიო სეზარის ცოლმა სუზანა ვერნერმა გასულ კვირას ორ მილიონ დოლარზე უარი თქვა. მას ჟურნალმა „ფლეიბოიმ“ შესთავაზა გახდა და სანაცვლოდ ნახევარი მილიონი დოლარი, მერე კი ფილმში გადაღება და მილიონ-ნახევარი შეაძლიეს. ფილმში სუზანას რამდენიმე კადრში შიშველი უნდა გაევლო.

„მე და ჟულიომ დავილაპარაკეთ და იმ დასკვნამდე მივედით, რომ მთავარი ოჯახია და არა – ფული. ვერც კი წარმომიდგენია, რა რეაქცია ექნებათ ბავშვებს, ჩემი შიშველი ფოტოები ჟურნალში რომ ნახონ, მერე კი ფილმში მიხილონ შიშველი. ამიტომ, ფილმის პროდიუსერსაც და ჟურნალის რედაქტორსაც უარი ვუთხარი“, – განაცხადა ვერნერმა.

როცა ქმარს წლიურად ექვსი მილიონი ევრო აქვს შემოსავალი, ორ მილიონზე უარის თქმა აშკარად იოლია.