კიდევ ეს უნდოდა რუნის?! მას შემდეგ, რაც გაირკვა, რომ უეინი თავის ცოლს, კოლინ მაკლაფლინს ორსულობის დროს ღალატობდა, ქალი სახლიდან გაიქცა და დიდი ალბათობით განქორწინებაზე განცხადებასაც შეიტანს. რაც შეეხება „საღალატო“ ობიექტს, ანუ მეძავს, ჯემა ტომპსონმა სულ დეტალებში მოყვა, რა და როგორ იყო. გასულ კვირას კი თავად რუნიც იძულებული გახდა, დაედასტურებინა, რომ რამდენჯერმე ჯემასთან მართლა იყო.

ამ ყველაფერს საინტერესო გაგრძელება მოჰყვა. რუნის კომენტარი გაზეთში დაიბეჭდა, გაზეთი ჯემას მამამაც წაიკითხა და... ინფარქტმაც არ დაახანა.

„აქამდე მეგონა, ჩემი გოგო ამ ყველაფერს პოპულარობისთვის აკეთებდა და არ მჯეროდა, რომ მართლა მეძავი იყო. ახლა კი, რუნის კომენტარის შემდეგ დავრწმუნდი და თავი აღარსაც გამომეყოფა“, – განაცხადა ჰემიშ ტომპსონმა.