ცნობილმა მომღერალმა ნიკოლ შერზირგერმა და არანაკლებ ცნობილმა ენრიკე იგლესიასმა ერთობლივი კლიპი ჩაწერეს. ეს, ერთი შეხედვით ჩვეულებრივი ამბავი, შესაძლოა, ენრიკეს მეგობარი ქალისთვის, ანა კურნიკოვასთვის სერიოზულ პრობლემად იქცეს. თვითმხილველები ამბობენ, რომ ნიკოლი და ენრიკე კლიპის გადაღების დროს ერთმანეთს საეჭვოდ უყურებდნენ და თვალებით ეფერებოდნენო.

შეგახსენებთ, რომ ნიკოლი ცოტა ხნის წინ „ფორმულა 2-ში“ მსოფლიოს ჩემპიონის, ლუის ჰამილტონის მეგობარი გოგონა იყო და მას მხოლოდ იმიტომ დაშორდა, რომ ლუისს მშობლებმა ტვინი წაუღეს, ათი წლით უფროსი ქალი არ გეკადრებაო. ჰოდა, ახლა თუ შერზინგერი ენრიკეს „დაითრევს“, გულს მეორე სპორტსმენს ატკენს. აგერ უკვე მერამდენე წელია, ანა იგლესიასს იმის იმედით არ ეშვება, რომ ესპანელი მაჩო, ადრე თუ გვიან, მას ცოლად მოიყვანს.