ანეკდოტები
***
– მეტროს ვაგონში ახალგაზრდა ქალი შევიდა. კართან მდგარმა მამაკაცმა გზა დაუთმო‚ მაგრამ შემთხვევით მსუბუქად გაეკრა მხარი.
– უხეში‚ ლამის გამთელა! – გაბრაზებით ჩაილაპარაკა ქალმა.
მეორემ ადგილი დაუთმო‚ მაგრამ სიჩქარეში ხელით ოდნავ შეეხო.
– უზრდელო‚ ხელები დაიმოკლე! – მიახალა ქალმა, დაჯდა და, ირგვლივ რომ მიმოიხედა‚ ახალგაზრდა‚ სიმპათიური მამაკაცი შენიშნა‚ რომელიც ქალთან ახლოს უხერხულად იდგა და როგორც შეეძლო ცდილობდა‚ მისგან შორს დაეჭირა თავი – რაც ძალი და ღონე ჰქონდა, სახელურს ხელით ებღაუჭებოდა.
– საცოდავი იმპოტენტი‚ არც კი შემოუხედავს!..
***
ექიმი ქმარი სახლში დაბრუნდა და ცოლს საყვარელთან შეუსწრო. შეშინებული საყვარელი წამოხტა‚ დაავლო პირსახოცს ხელი და შემოიხვია.
– არა‚ არა‚ მაგ პირსახოცით ხელ-პირს ვიწმენდ! – ყვირილით მივარდა ქმარი.
***
„გუშინ გაქურდეს პ. ოჯახიდან მოიპარეს მაქმანებიანი კოლგოტები‚ მისაწებებელი წამწამები‚ ტუჩის საცხი... საბედნიეროდ‚ ქურდებს ცოლის ნივთებიდან არაფერი წაუღიათ...“
***
– ნაზიკია‚ მე როცა მოვკვდები‚ მიტირებ?
– აბა‚ რაი‚ ბიჭიკია‚ რავარი ჩუყი გული მაქვს‚ ხომ იცი‚ ყველა წვრილმანზე ვტირივარ...
***