რვაფეხას მუჟუჟი

საჭირო ინგრედიენტებია: 1 კილოგრამი რვაფეხა (შეიძლება, გაყინულიც), ნახევარი ლიმონის წვენი, ნახევარი გრეიპფრუტის წვენი, 2 კბილი ნიორი, ძმარი „ბალზამიკო“, ცოტა მდოგვი ან პირშუშხა, 1 სადილის კოვზი ზეითუნის ზეთი.

მომზადების წესი: რვაფეხა გაალღვეთ და კარგად გარეცხეთ. დაჭერით მოზრდილ ნაჭრებად, მოასხით ლიმონის და გრეიპფრუტის წვენი. გააჩერეთ თავდახურულ ჭურჭელში. მოათავსეთ ზეთიან ტაფაზე და ჩაშუშეთ, გადმოიღეთ ლანგარზე. ცალკე მოამზადეთ სოუსი – დასრესილ ნიორს დაასხით „ბალზამიკო“, შეურიეთ მდოგვი, ცოტა მარილი და მოასხით რვაფეხას.