ერთ-ერთი ყველაზე წარმატებული ქართველი დიზაინერი ლაკო ბუკია, რომელიც სულ ცოტა ხანში ლონდონის მოდის კვირეულზე მიემგზავრება, უცნაურად ზრუნავს ქართველ ლამაზმანებზე, რომლებმაც პოდიუმს უკვე თავი დაანებეს. მათ არა დეფილესთვის, არამედ სტადიონებისა და სპორტული დარბაზებისთვის მოსავს. საქმე ისაა, რომ დიზაინერმა ჯერ კალათბურთელების მშვენიერი მეორე ნახევრებისთვის შეკერა ერთნაირი მაისურები, რათა ისინი გამორჩეულები ყოფილიყვნენ სპორტულ დარბაზში, ახლა კი, 7 სექტემბრის საქართველო-ისრაელის მატჩისთვის ლაკომ ფეხბურთელების ცოლები შემოსა, რომელთა მაისურები უფრო ორიგინალური და საინტერესო გამოვიდა. სალომე ღვინიაშვილი, თიკო ჩხეიძე და სხვები მატჩზე საოცრად გამოიყურებოდნენ.