ბუასილს კომბოსტოს მწნილის „ეშინია”
კომბოსტო შეიცავს დიდი რაოდენობით ვიტამინებს. მასში აღმოჩენილია, ასევე, ეგრეთ წოდებული ულცეროზული ვიტამინი, ანუ წყლულის საწინააღმდეგო ფაქტორი.
კომბოსტოს შემადგენლობაში შედის აგრეთვე, ტარტარონის მჟავა, რომელიც გასუქების თავიდან ასაცილებლად მეტად ეფექტური საშუალებაა. სიმსუქნის და კუჭის წყლულის დაავადებების დროს რეკომენდებულია უმი კომბოსტოს ჭამა.
ხალხურ მედიცინაში კომბოსტოს იყენებენ, როგორც გარეგან საშუალებას კანის სხვადასხვა დაავადების დროს, დამწვრობის შემთხვევაში და ასე შემდეგ.
კომბოსტოს მწნილი კი სასარგებლოა მათთვის, ვისაც ღრძილების დაავადებები აწუხებს. ასეთ დროს, კარგია ასევე, მწნილის წვენის გამოვლებაც პირის ღრუში.
ბუასილის, ძლიერი კოლიტისა და სისხლდენის შემთხვევაში, კომბოსტოს მწნილი შეუცვლელია. მისი ჭამა კარგია ასევე, ღვიძლის დაავადების დროსაც.