საინტერესოა, რომ „ელიტ მოდელ ლუქის” გამარჯვებულები ძალიან კარგი კონტრაქტებით ხვდებიან მსოფლიოს წამყვან სამოდელო სააგენტოებში და უმაღლესი დონის მოდის სახლებთან და დიზაინერებთან თანამშრომლობენ. მათ ბიოგრაფიაში უკვე იყო „შანელი”, „დიორი”, „ლაგერფელდი“ და ასე შემდეგ. ზაფხულის დასვენების შემდეგ გოგონებმა ახალი კონტრაქტები გააფორმეს. სულ ცოტა ხანში ანა კოვაჩი სამი თვით პარიზში გაემგზავრება. „ელიტის” შვილობილ სააგენტოსთან ანა უკვე თანამშრომლობდა და ახლა მასთან ხელშეკრულება ხელახლა გააფორმეს. „იმიჯ ცენტრის” სამი მოდელი, თეონა თევდორაშვილი, ნელი ჩახვაძე და მარიტა ჯანაშია საქართველოში, „იმიჯ ცენტრში“ ჩამოსულმა ფრანკო ბატალიამ შეარჩია, რომელიც სააგენტო „ვან მოდელ მენეჯმენტის” დირექტორია. მან თბილისურ ქასთინგზე თავად შეარჩია ეს გოგონები და მილანში წაიყვანა სამუშაოდ. თეონა და ნელი 2 სექტემბერს უკვე გაემგზავრნენ მილანში, მარიტა კი 10 სექტემბერს გაფრინდება. რაც შეეხება „მის საქართველოს” ცირა სუქნიძეს, 5 სექტემბერს ის ჩინეთში, „მის ტურიზმ ქუინ ინტერნეიშენალში” მონაწილეობის მისაღებად მიემგზავრება.