რუსეთის ყველაზე პოპულარულ არხ „ემტივიზე“ სისტემატურად მიმდინარეობს გამოკითხვები იმის შესახებ, თუ ვინ არის ყველაზე სასურველი სარძლო და სასიძო რუსებისთვის არა მხოლოდ რუსეთში, არამედ მთელ მსოფლიოში. წამყვან პოზიციებს, რა თქმა უნდა, შოუ-ბიზნესის წარმომადგენლები იკავებენ. ბოლო რამდენიმე კვირა კი ამ ათეულებში ლიდერობს ქეთა თოფურია – ის მეოთხე ადგილზე იყო, ახლახან კი მეორე ადგილზე გადმოინაცვლა. როგორც ჩანს, ძალიან სექსუალური, მხიარული, ენერგიული ქეთა რუსეთში მცხოვრებ მამაკაცებს ძალიან მოსწონთ. ქეთას გვერდით სასურველი საცოლეების რიცხვში ქსენია სობჩაკი, პარის ჰილტონი და სხვები შედიან. როგორც ჩანს, ქეთა კონკურენციას უმდიდრესი ადამიანების ქალიშვილებსაც უწევს. რა ხდება ქეთას პირად ცხოვრებაში – ეს ფაქტი რუსული გამოცემებისთვისაც დაფარულია. თავად მომღერალი ამბობს, რომ შეყვარებულია, ხშირად საუბრობს სატრფოს მიერ გაკეთებულ საჩუქრებზე, მაგრამ მის ვინაობას პრესასთან არ ასახელებს.