სულ ცოტა ხნის წინ რუსულ საინფორმაციო წყაროებში გავრცელდა ინფორმაცია, რომ მომღერალ დათო ხუჯაძის ახალ სიმღერაზე, „სთრეით თუ მაი ჰართ”, შვედეთში კლიპის გადაღებები მიმდინარეობდა. როგორც დათოს პროდიუსერისგან გავიგეთ, კლიპის სცენარი ჯერჯერობით გაუხმაურებელია, თუმცა ინტერნეტში საინტერესო ფოტოები გავრცელდა, რომლებმაც უამრავი ადამიანის ცნობისმოყვარეობა გააღიზიანა. ამ ფოტოებში დათოს გვერდით ცნობილი „ბეტმენის” ავტომობილი დგას, რომლის დახმარებითაც სუპერგმირი არა მხოლოდ ხმელეთზე, არამედ ჰაერშიც გადაადგილდებოდა – სწორედ ეს მანქანაა ერთი-ერთში აღდგენილი. როგორც გაირკვა, ავტომობილი მართლა არსებობს და ის სტოკჰოლმის ქუჩებში თავისუფლად დანავარდობს. გაიკეთებს თუ არა თავად დათო კლიპში ბეტმენის ნიღაბს, უცნობია, მაგრამ, მისი მანქანით შვედეთის დედაქალაქის ქუჩებში რომ დასეირნობდა და თან გადაღებები მიმდინარეობდა – ფაქტია.