აგერ, უკვე მერამდენე წელია, ლინდსეი ვაგნერი ფრენბურთს თამაშობს და ამერიკის ნაკრების წევრიც არის, მაგრამ რად გინდა, კაპიტალი ვერა და ვერ დააგროვა. გარდა იმისა, რომ ლინდსეის ფრენბურთის თამაში ეხერხება, არც სხვა რამეშია უნიჭო და როცა გარეგნობა ხელს გიწყობს, თამამად შეგიძლია ბოლო ხმაზე იყვირო – „მიეცი ნიჭსა გზა ფართო...“

ლინდსეიმაც მისცა (რა თქმა უნდა, ნიჭსა და ფართო გზაზე მოგახსენებთ) და რამდენიმე ფოტოსესია მოაწყო. მისი „ნიჭით” მალე „ფლეიბოი” დაინტერესდა და შეიძლება ითქვას, კარიერის პიკი სწორედ ამ ჟურნალში დაბეჭდვა იყო.

„მთელი ცხოვრება ფრენბურთს ვთამაშობ, მაგრამ იმდენი ფული, რაც ამ ფოტოსესიებში გადამიხადეს, არასდროს მქონია. ახლა ვიცი, როგორ უნდა ვიყიდო კარგი სახლი და მანქანა,“ – განაცხადა ვაგნერმა.

ისე, როცა ვაგნერი ხარ გვარად, გახდაზე ფიქრს რომ იწყებ, არ ჯობია, ჯერ რაიმე მუსიკალური ნაწარმოების დაწერა სცადო, ეგებ გამოგივიდეს.