„ვარსკვლავების აკადემიის” ერთ-ერთმა ფინალისტმა მიშა სულუხიამ საკუთარი სტუდიაც შექმნა და ბათუმის ტურნეების პარალელურად, ბულგარეთში, ფესტივალზე გასამგზავრებლად და ძალების მოსასინჯად ემზადება.

მიშა სულუხია: „აქტიურად ვმუშაობ. ვწერ სიმღერებს ახალი ალბომისთვის, რომელიც ძირითადად უცხოენოვანი იქნება. თუ კონცერტი არ მაქვს, საკუთარ სტუდიაში ვატარებ დროს. სავარაუდოდ, ახალი ალბომი ნოემბერში იქნება მზად და იქ უმეტესად, ჩემი დაწერილი სიმღერები შევა. პროდიუსერი მამუკა სააკაშვილი დამიკავშირდა და ბულგარეთის საერთაშორისო ფესტივალზე წასვლა შემომთავაზა. მასში მონაწილეობას მიიღებენ სხვადასხვა ქვეყნის წარმომადგენლები. შევეცდები, ჩემი ქვეყანა მეც ვასახელო უცხო მხარეში და ამისთვის არც ჩემს ძალებს, არც ნიჭს და არც ხმას არ დავზოგავ“.