„თბილისელების“ სამზარეულო
ლორის სალათა
საჭირო ინგრედიენტებია: 2 კვერცხი, 300 გრამი ლორი, 300 გრამი ყველი, 2 ცალი მჟავე კიტრი, 1 ცალი წითელი ბულგარული წიწაკა, 1 კონა მწვანე ხახვი, 40 გრამი მაიონეზი, 100 გრამი არაჟანი, 1 სადილის კოვზი ნაკლებად ცხარე მდოგვი, მარილი, შავი პილპილი.
მომზადების წესი: კვერცხი მაგრად მოხარშეთ. ლორი და ყველი დაჭერით ჩხირებად. კიტრი დაჭერით რგოლებად. ხახვი და ბულგარული წიწაკა ძალიან წვრილად უნდა დაკეპოთ.
სოუსისთვის მაიონეზს შეურიეთ არაჟანი, 4 სადილის კოვზი კიტრის მწნილის წვენი, მდოგვი, ცოტა მარილი და პილპილი.
ყველა ინგრედიენტი, კვერცხის გარდა, ერთად მოათავსეთ და აურიეთ მინის თასში, მოასხით სოუსი, ისევ ფრთხილად აურიეთ და ზემოდან მოალაგეთ ოთხად გაჭრილი კვერცხები.