მოსკოვის „სპარტაკის“ მთავარი მწვრთნელი ვალერი კარპინი გვარიან შარშია. სამი წლის წინ მას ესტონელმა ქალმა უჩივლა, ჩემი გოგონა კარპინის შვილია და ალიმენტს ვითხოვო. ვალერამ ყველაფერი უარყო და სასამართლოც იძულებული გახდა, დნმ-ის ანალიზი ჩაეტარებინა. ჰოდა, დამტკიცდა, რომ შვილი მართლა მისია და დაგროვილი ალიმენტის რაოდენობაც 25 ათასი დოლარით განისაზღვრა.

საინტერესო ის არის, რომ ეს ქალბატონი გათხოვდა და ყველაზე მეტად მისი ქმარი აქტიურობს, აქაოდა, არ ვაპირებ, კარპინს შვილი უფასოდ გავუზარდოო. „სპარტაკის“ მთავარი მწვრთნელი ესტონეთშია დაბადებული, ამ ქვეყნის მოქალაქეც არის და თუ ალიმენტის გადახდას თავს აარიდებს, მასზე ძებნა გამოცხადდება.