გასულ კვირას კოლუმბიაში 15-წლამდელ ფეხბურთელთა ტურნირი ტარდებოდა, რომელიც ერთ-ერთმა გუნდმა მოიგო. შეხვედრის დასრულების შემდეგ, გამარჯვებული გუნდის თავკაცი ალვარო პოვედა სტადიონიდან გამოვიდა და ის იყო, სახლისკენ უნდა გამგზავრებულიყო, მას უცნობი მიუახლოვდა და ხუთი ტყვია ესროლა. ალვარო ადგილზე გარდაიცვალა.

„ვერ ვიტყვი, რომ მას რომელიმე ფეხბურთელთან ან მშობელთან დაძაბული ურთიერთობა ჰქონდა. უფრო, პირიქით იყო, მას ყველა ემადლიერებოდა. პოლიცია ტოტალიზატორებზე ეჭვობს. საქმე ისაა, რომ ამ თამაშებზე რამდენიმე ტოტალიზატორმა ფსონების მიღება დაიწყო და როგორც ვიცი, ფინალში ჩვენს მოგებაზე ფსონი ბევრმა გააკეთა. ამბობენ, თითქოს პოვედას ამ მატჩის წაგება სთხოვეს, მაგრამ მან არ დაუჯერა. იმედია, პოლიცია სიმართლეს დაადგენს“, – ამბობს კლუბის პრეზიდენტი.