რვაფეხა პაული ხომ გახსოვთ, მსოფლიოს ჩემპიონატებზე პროგნოზებს რომ აკეთებდა. ჰოდა, ახლა მკითხაობა მისმა ბიძაშვილმა, რაღა თქმა უნდა, რვაფეხამ სახელად – ოლიმაც დაიწყო. თუმცა, ეჭვი გვაქვს, პაულის დარად, პოპულარული ვერ გახდება. გასულ კვირას მას პროგნოზები ინგლისელებმა დაუკვეთეს. ოლიმაც არ დაიზარა და დაადასტურა, რომ ინგლისში ახლად დაწყებულ სეზონში ჩემპიონი „ჩელსი“ გახდება, საუკეთესო ბომბარდირის ტიტულს უეინ რუნი მოიგებს, პირველი მწვრთნელი, რომელსაც წელს მოხსნიან, „მანჩესტერ სიტის“ თავკაცი რობერტო მანჩინი იქნება, ხოლო პირველ ტურში „ტოტენჰემი“ იმავე „სიტისთან“ საკუთარ მოედანზე წააგებს.

რა იქნება მომავალში, ნამდვილად ვერ გეტყვით, მაგრამ ოლი უკვე შეცდა – „ტოტენჰემი“ „სიტის“ შეხვედრა ფრედ, 0:0 დასრულდა.