“მის უნივერსიტეტი 2010” ანუკა ბუხნიკაშვილია
15 აგვისტოს ქალაქ ბათუმში გაიმართა კონკურსი „მის სტუდენტური სახე”, რომელიც უკვე ტრადიციული ხდება. კონკურსში მთელი საქართველოს მასშტაბით თვრამეტი უნივერსიტეტი და ინსტიტუტი მონაწილეობდა. ბათუმის თეატრში კი საუკეთესოები შეირჩნენ, რომლებიც ერთთვიან მომზადებას გადიოდნენ და ფინალმა გამარჯვებულები გამოავლინა. ყველაზე ლამაზის დასახელებაში მონაწილეობა, რა თქმა უნდა, ჟიურიმ მიიღო, რომლის შემადგენლობაშიც იყვნენ: ირინა ონაშვილი, ირაკლი რუსაძე, კრისტი, ლაშა ღუღუნიშვილი – „ლიგ სტუდიოს” ფოტოგრაფი, რომელმაც გადაიღო კიდეც ეს კონკურსი. გამარჯვებული ოცი წლის ანუკა ბუხნიკაშვილი გახდა – ილიას უნივერსიტეტის სტუდენტი, რომელიც ერთხმად აღიარეს საუკეთესოდ. მას უამრავი პრიზი გადაეცა „ბილაინისგან”, ვაკის საცურაო აუზისგან, ირაკლი რუსაძისგან, „ნატალისგან“, „საფილოსა“ და „კოტონისგან“. პირველი და მეორე ვიცე-მისის ტიტულები კი შესაბამისად, სალომე აბრამიძემ და ლიკა აბრამიამ მოიპოვეს.