თემურ თათარაშვილი ბაბუა გახდა
თემურ თათარაშვილის მშვენიერი ქალიშვილის – მარიამის ბედნიერებისა და გათხოვების შესახებ ჩვენი ჟურნალი გიყვებოდათ. ახლა კი ოჯახს უდიდესი ბედნიერება და სიხარული ეწვია. მარიამს პატარა შეეძინა. თემურის ქალიშვილმა ჩაჩავას სახელობის სამშობიარო სახლში იმშობიარა. მისი ექიმი ცნობილი ზურა დარახველიძე გახლდათ. რამდენადაც ვიცით, მშობიარობამ მშვიდობიანად, გართულებების გარეშე ჩაიარა. პატარა გოგონას ეკატერინე დაარქვეს და როგორც მარიამისგან გავიგეთ მას კატოს დაუძახებენ. პატარა კატო ორმოცდაცხრა სანტიმეტრი და სამი კილო და ორასი გრამი დაიბადა. მოსკოვში ბაბუისთვის პატარას ფოტოები გაუგზავნიათ, მას კი დაურეკავს და უთქვამს, სიხარულისგან ღამეები არ მძინავს, საშინლად მინდა მისი ნახვაო. თუმცა, როდის მოახერხებს თემური შვილიშვილის ნახვას, ამაზე პასუხი არც ოჯახს აქვს.