ანასტასიამ გლები „ამოქოქა“
გერმანული „შტუტგარტის“ ნახევარმცველმა ალექსანდრ გლებმა განაცხადა, რომ მიმდინარე სეზონში სერიოზულ წარმატებას გეგმავს და თამამად ამბობს, რომ ეს სეზონი მისი იქნება.
„ბარსელონადან” „შტუტგარტში” გადასვლა უკან გადადგმული ნაბიჯია, მაგრამ ხანდახან ესეც საჭიროა იმისათვის, რომ მერე წინ რამდენიმე ნაბიჯი გადადგა. მთავარი სტიმული ჩემი ცოლი, ანასტასიაა. მან მითხრა, მუდმივად შენს გვერდით ვიდგებიო და მეც ვატყობ, როცა ნასტია ჩემს გვერდითაა, ხალხი უფრო მეტი პატივისცემით მეპყრობა,“ – განაცხადა გლებმა.
ფეხბურთელის ცოლი ანასტასია კოჩენკოვა ბელორუსი მოდელი და მომღერალია. სანამ ისინი ჯვარს დაიწერდნენ, ანასტასია თამამ ფოტოსესიებს არ ერიდებოდა და სავარაუდოდ, უფრო მეტი პატივისცემის გამოვლინება კოჩენკოვას სხეულის დამსახურება უნდა იყოს.