გინდ დაიჯერეთ, გინდ ეს აზრი გადაჭარბებულად ჩათვალეთ, მაგრამ ფაქტია, რომ მამაკაცებს ძალიან მოსწონთ, როცა ქალს ლამაზი, ინტიმური საცვლები აცვია. მაგრამ ის, რომ თითქოს ასეთი სამოსი კაცს ისე აღიზიანებს, როგორც ხარს წითელი ქსოვილი, მითია. ფსიქოლოგები და დიზაინერები ერთსულოვანნი არიან იმაში, რომ ქალის საცვლები ისევ რჩება ნაზი სქესის გარდერობის მთავარ ელემენტად. მაგრამ, როცა მას საპირისპირო სქესის მოსახიბლად იყენებთ, განსაკუთრებული გემოვნებით უნდა შერჩევა. მაგალითად, თეთრი საცვლები გარუჯულ სხეულს უხდება, ბორდოსფერი ქალის სხეულს აბერებს და მის ნაკლოვანებებს წარმოაჩენს, ალისფერი წითელი ძალიან ვულგარულია და გემოვნებიან, ინტელიგენტ მამაკაცს ის არ მოეწონება.

შეგიძლიათ, შეიძინოთ და თავი მოიწონოთ ბაფთებიანი და ზონარებიანი საცვლებით, რაც დადებითად მოქმედებენ ძლიერი სქესის ფანტაზიაზე.

ძალიან გამხდარმა ქალბატონებმა არჩევანი შორტ-ტრუსებზე უნდა შეაჩერონ.

გიპიური ფანტასტიკური გამოგონებაა. ეს ქსოვილი თითქოს საგანგებოდ მამაკაცების მოსაჯადოებლად შეიქმნა და ქალებიც აქტიურად იყენებენ ამ პიკანტურ იარაღს. არჩევანი ნამდვილად დიდია და თქვენზეა დამოკიდებული, როგორ გამოიყენებთ, ერთი შეხედვით აუცილებელ, ყველაზე ინტიმურ სამოსს. უბრალოდ, გახსოვდეთ, საცვლები არ უნდა იყოს ძალიან ვიწრო, არც – დიდი. სიზუსტე ამ შემთხვევაში, განსაკუთრებით მნიშვნელოვანია. ყველაზე ინტიმური, ყველაზე მიმზიდველიც უნდა გახადოთ.