აბრამოვიჩი სიკვდილს გადაურჩა
საფეხბურთო კლუბების მფლობელი მილიარდერები თავისუფალ დროს იმაზე ფიქრში ატარებენ, თუ რა გააკეთონ და რით გაერთონ. სიმართლე რომ ითქვას, მათ ამ დროს ძალიან უცნაური აზრები მოსდით და ხშირად საკუთარ სიცოცხლეს საფრთხესაც უქმნიან.
გასულ კვირას სამყარო რომან აბრამოვიჩმა გააოცა. რუსმა ოლიგარქმა განაცხადა კილიმანჯაროს მთა უნდა დავიპყროო და ექვს მეგობართან ერთად ამ მძიმე მოგზაურობაში გაემგზავრა. გზაში არანაირი პრობლემა რომ არ შექმნოდათ, აბრამოვიჩმა 113 მეგზური გაიყოლა, რომელთა შორის ექიმები, მთამსვლელები, იქაური ჰავის მცოდნე მეცნიერები და კიდევ საჭირო თუ უსარგებლო ადამიანები იყვნენ. როცა ექსპედიციამ მთაზე ასვლა დაიწყო, „ჩელსის” მფლობელი მიხვდა, რომ დიდი სისულელე მოუვიდა. როგორც გაირკვა, იგი ჟანგბადის ნაკლებობას ვერ იტანს და რომ არა ექიმების პროფესიონალიზმი, მსოფლიოს ერთ-ერთი უმდიდრესი ადამიანი სიცოცხლეს კილიმანჯაროს კალთაზე დაასრულებდა, თუმცა იგი სასწრაფოდ ჩამოიყვანეს და კილიმანჯაროს დაპყრობის ოცნებაც გადაიდო.