ანეგდოტები
***
ექიმი პაციენტს ეკითხება:
– ეწევით?
– კი.
– სვამთ?
– კი‚ მარტოხელა კაცი ვარ და დალევა ხშირად მიწევს.
– სექსი?
– რა თქმა უნდა‚ მარტოხელა ვარ და...
– იცით‚ რას გეტყვით? თუ სიცოცხლე გსურთ‚ ყველაფერ ამას თავი უნდა დაანებოთ.
– სიგარეტს და სმას – კი‚ მაგრამ სექსისთვის თავის დანებება ნამდვილად გამიჭირდება.
– ო‚ მაშინ‚ ცოლი უნდა შეირთოთ.
– რა?!
– ჰო‚ ეს საუკეთესო გამოსავალია‚ სექსს ნელ-ნელა რომ შეეშვათ.
***
– რა საერთოა მამაკაცსა და დიპლომს შორის?
– ორივესთვის რამდენიმე წელიწადს იბრძვი‚ მაგრამ, როცა შენად დაიგულებ‚ უკვე აღარ იცი‚ რაში გამოიყენო.
***
– ოჰ, აბრამ‚ აბრამ‚ შე უშნო შენა! სულ ახალი სკამი გატეხე... გუშინ ვიყიდეთ‚ დაჯდომაც ვერ მოვასწარით და უკვე გატეხე... ლუსტრაც ნამსხვრევებად აქციე‚ კრეტინო! არ შეგეძლო, სხვაგან ჩამოგეხრჩო თავი?
***
ცირკში მამაკაცი მივიდა და სამსახური ითხოვა:
– რა შეგიძლიათ?
– შემიძლია‚ კატა განვასახიერო...
– არ გამოგვადგები‚ კნავილი ყველას შეუძლია.
– თაგვების ჭამაც?!.