„ომლეტი“ ქიშმიშით

საჭირო ინგრედიენტებია: 250 გრამი ფქვილი, 3 კვერცხი, მარილი გემოვნებით, 3 სადილის კოვზი შაქარი, 500 მილილიტრი რძე, 4 სადილის კოვზი ქიშმიში, 50 გრამი მარგარინი, 50 გრამი შაქრის ფხვნილი.

მომზადების წესი: ფქვილი გაცერით, შუაში ჩააღრმავეთ და ჩაახალეთ კვერცხის გულები. ჩაუმატეთ შაქარი და მარილი. კარგად აურიეთ. ნელ-ნელა შეურიეთ ოდნავ თბილი რძე და თქვიფეთ, ერთგვაროვანი მასის მიღებამდე.

ცალკე ათქვიფეთ 3 კვერცხის ცილა. ქიშმიში კარგად გარეცხეთ, შეურიეთ ცომს. ბოლოს დაუმატეთ ცილა და კარგად აზილეთ.

მარგარინი გაადნეთ ტაფაზე, ცომი გაყავით ოთხ ნაწილად, თითოეული ცოტათი გააბრტყელეთ და შეწვით ორივე მხრიდან.

ამოიღეთ ლანგარზე და თბილს მოაყარეთ შაქრის პუდრი.