12 აგვისტოს ნინო ორდენიძეს მეორე შვილი შეეძინა. პატარა მაშო „ჯანმრთელობის სახლში” ამირან ქორიძის დახმარებით გაჩნდა. პატარა ქალბატონი სამ კილოგრამს იწონის და დედასთან ერთად თავს მშვენივრად გრძნობს. ჩვენ საუბარი ნინოს მეუღლესთან, ლევან გვაზავასთან მოვახერხეთ, რომელიც უბედნიერესი იყო მეორე ქალიშვილის დაბადებით.

ამასთან, ჩვენთვის ცნობილი გახდა, რომ თვის დასაწყისში მეორე შვილი შეეძინათ თათია გიორგობიანსა და ლუკა ხოჯავასაც. ახალშობილს ლაზარე დაარქვეს. ლუკას და თათიას ჰყავთ ულამაზესი გოგონა – ანიტა, რომელიც მშობლებს ძალიან ჰგავს. ალბათ, ლაზარეც დაიკოსავით ქერა და ცისფერთვალება იქნება.

ვულოცავთ წყვილებს პატარების დაბადებას და ჯანმრთელობას ვუსურვებთ ბედნიერ ოჯახებს.