ბილენ როდრიგესი სამი წლის განმავლობაში „მილანის“ ფორვარდს, მარკო ბორიელოს ხვდებოდა, თუმცა წყვილი ერთმანეთს შარშან დაშორდა. ბორიელომ ახალი სიყვარული მალევე იპოვა, ბილენი კი თურმე ჯერაც ძიების პროცესშია.

„ურთიერთობის დაწყება რამდენჯერმე ვცადე, მაგრამ, მალევე მივხვდი, რომ ეს არ არის მარტივი. ყველას ვეღარ ვენდობი და ერთი ან ორი შეხვედრის შემდეგ ვშორდები. ცოტა არ იყოს, დაბნეული ვარ და აღარ ვიცი, ვიპოვი კი ოდესმე ცხოვრების მეგზურს?!“ – განაცხადა ბილენმა.