წითელი ღვინო ძალიან სასარგებლოა მასში შემავალი ანტიოქსიდანტების გამო, რომლებიც ხელს უშლის კანის, სისხლძარღვებისა და შინაგანი ორგანოების დაბერებას.

ღვინოს სამკურნალო თვისებებს მასში შემავალი თუთია, კალციუმი, კალიუმი, შაქარი, ვიტამინები, მინერალები და ექსტრაქტული ნივთიერებები ანიჭებს. მისი დალევა კარგია ანემიის დროს. წითელი ღვინო ააქტიურებს სისხლში წითელი სხეულაკების გამომუშავებას, საგრძნობლად ზრდის ჰემოგლობინის დონესაც.

ღვინო ხელს უშლის ათეროსკლეროზის განვითარებას, ორგანიზმიდან გამოდევნის ტოქსინებსა და წიდებს. ძალიან სასარგებლოა ნივთიერებათა ცვლის დარღვევის დროსაც.

თუმცა, ღვინოს უკუჩვენებებიც გააჩნია და ამიტომ მის დალევას უნდა მოერიდონ ალერგიული, ბრონქიალური ასთმითა და ნეიროდერმიტით დაავადებული ადამიანები. მათ, ვისაც ეს დაავადებები არ აღენიშნება, დღეში 100 მილილიტრი ღვინის დალევა ნამდვილად წამლად წაადგებათ.