დევიდ ბექჰემი აგერ უკვე მერამდენე წელია, ამერიკაში ცხოვრობს და არ მალავს, რომ მისი ერთ-ერთი საუკეთესო მეგობარი ჰოლივუდის ცნობილი მსახიობი ტომ კრუზი გახლავთ. ჰოდა, სწორედ ტომმა განაცხადა, დევიდს მსახიობის ისეთი ნიჭი აქვს, თუ ფილმში გადაიღებენ, მსოფლიო აღიარება ელოდებაო.

„დევიდი ძალიან, ძალიან ნიჭიერი ადამიანია. მინდა, როგორმე დავითანხმო და რომელიმე ფილმში გადავაღებინო. ის მორიდებული ადამიანია და ამიტომ, ყველაფერზე უარს ამბობს, მაგრამ მე მის დათანხმებას შევძლებ“, – განაცხადა კრუზმა.

თავად ბექჰემი კომენტარს არ აკეთებს, მაგრამ ამერიკული მედია წერს, დევიდი ფილმში რომ გადაიღონ, ისეთ ჰონორარს მოითხოვს, იმ ფასად ჰარისონ ფორდსა და რიჩარდ გირს ერთად დაიქირავებენო. ისე, რა კარგი იდეაა, ეს ორი მსახიობი ერთ ფილმში.