ცნობილმა მომღერალმა, ენრიკე იგლესიასმა, ჰოლანდია-ესპანეთის ფინალური მატჩის წინ განაცხადა, თუ ჩემი ქვეყნის ნაკრები მოიგებს, მზად ვარ, ბოლომდე გავშიშვლდე და სკუტერით ზღვის ტალღებში ნახევარი საათი ვიქროლოო. ესპანეთმა მსოფლიოს ჩემპიონატი მოიგო და იგლესიასსაც პირობის შესრულება მოსთხოვეს, თუმცა...

„რა თქმა უნდა, ძალიან მიხარია, რომ ჩემი ქვეყანა მსოფლიოში საუკეთესოა, მაგრამ, მივიღე გადაწყვეტილება, რომ არ გავშიშვლდე – არ მგონია, ეს ესთეტიურად კარგი სანახავი იყოს“, – განაცხადა ენრიკემ.

„ყოველდღე იგლესიასის მისამართზე ათასობით წერილი მიდის. ფანები მას ტყუილს არ პატიობენ და ყველას ეჭვი აქვს, რომ სიტყვის გატეხა ენრიკემ მას შემდეგ გადაწყვიტა, რაც ლონდონში, ვეტერანთა ტურნირზე სათამაშოდ წასული ანა კურნიკოვა ესპანეთში დაბრუნდა. სწორედ მან აიძულა საქმრო, გაშიშვლებაზე უარი ეთქვა, მაგრამ მომღერალს ამაზე საბოლოო უარის თქმა ძალიან გაუჭირდება. ეს მის პოპულარობას ნულამდე დასწევს, რადგან ფანები მას, უბრალოდ, აღარ დაუჯერებენ და აღარ ენდობიან,“ – ასეთია ესპანური პრესის ვარაუდი