მადრიდის „რეალის” ვარსკვლავი კრიშტიანუ რონალდუ მამა რომ გახდა, კარგად მოგეხსენებათ. ერთი ეგაა, პორტუგალიელი ფეხბურთელი ცოცხალი თავით არ ამბობს, ვინ არის ბავშვის დედა. ამიტომ, ბევრს ეჭვი გაუჩნდა, რომ კრიშტიანუმ სუროგატი დედის მომსახურებით ისარგებლა და ამ ნაბიჯით თავისი არატრადიციული ორიენტაციის დამალვა სურს. ჰოდა, ჟურნალისტებმა ფეხბურთელის ყოფილ საყვარლებს ჩამოუარეს და ყველაზე მეტი 26 წლის ნირეიდა გალიარდოს დააცდენინეს.

„არ გამკვირვებია, როცა გავიგე, რომ რონალდუ მამა გახდა. მას ძალიან არ უყვარს სექსის დროს თავის დაცვა და, ამიტომ, რომელიმე ქალი ამით ადრე თუ გვიან ისარგებლებდა. რაც შეეხება მის არატრადიციულ ორიენტაციას, ამაზე ვერაფერს გეტყვით, რადგან ის შარშან აშკარად კაცი იყო და, თან, ძალიან ძლიერი კაციც. მას შეეძლო, მთელი ღამე არ მოეცა ჩემთვის ძილის საშუალება“, – განაცხადა გალიარდომ.