იტალიელი არბიტრი პიერ-ლუიჯი კოლინა ხომ გახსოვთ? კარიერის დასრულების შემდეგ იგი იტალიის სამსაჯო კომიტეტს ჩაუდგა სათავეში და, როგორც ამბობენ, საქმეს იმდენად კარგად ასრულებდა, რომ მისი გადაბირება „უეფამ“ გადაწყვიტა. ევროპული ფეხბურთის მმართველმა ორგანიზაციამ კოლინას „უეფაში“ სამსაჯო კომიტეტის გაძღოლა შესთავაზა.

„შუა სეზონში იტალიის ჩემპიონატს ვერანაირად ვერ მივატოვებდი. ახლა კი, იტალიის ფეხბურთის ფედერაციას ორი თვე ექნება ჩემი შემცვლელის მოსანახად და, ამიტომ, სუფთა სინდისით მივდივარ. ამიერიდან „უეფას“ სამსაჯო კომიტეტს ჩავიბარებ“, – განაცხადა კოლინამ.