საბრინა ტრევიზანი ბრაზილიელი მოდელი და მომღერალია. კონკრეტულად რას მღერის საბრინა, ნამდვილად ვერ გეტყვით, მაგრამ, სამოდელო სამყაროში პოპულარობას იმის წყალობით მიაღწია, რასაც „მკერდს“ ვეძახით, თუმცა, საბრინას შემთხვევაში, ცოტა არ იყოს, სხეულის ამ ნაწილების მკერდად მოხსენიება უხერხულია. ყველაფერს რომ თავი დავანებოთ, დამტკიცებულია, რომ მას მკერდი თავზე დიდი აქვს.

ჰოდა, სწორედ ამ ქალბატონმა განაცხადა, თუ ბრაზილიის ნაკრები მსოფლიოს ჩემპიონი გახდება, შინ დაბრუნებულ ნაკრებს აეროპორტში დავხვდები და გუნდის მთავარი მწვრთნელი, კარლოს დუნგა რასაც მეტყვის, იმას გავაკეთებო. მერე საბრინამ დააკონკრეტა, მამაკაცებს ყველაზე მეტად ჩემი მკერდი აინტერესებთ და, მზად ვარ, დუნგას ისინი პირადად გავაცნოო. მაგრამ, ბრაზილიის ნაკრები მსოფლიოს ჩემპიონატიდან ასპარეზობას ჰოლანდიამ გამოთიშა.

„რა ვქნა? ძალიან მინდოდა, დუნგა გამეხარებინა, მაგრამ მას ჩემი სხეულის ნახვა არ ეღირსება“, – დაასკვნა საბრინამ.