„სანგუკოსა“ და „კონტროლსტუდიოს“ პროექტი „5-ის“ პირველი ფილმის, თაკო შავგულიძის „დაბადებულები საქართველოში“ გადაღებები დასრულდა. ფილმის ოთხი მთავარი გმირი: გიორგი გიორგანაშვილი, იგივე ბახალა, ვანო თარხნიშვილი, ნუცა კუხიანიძე და თამრი ბზიავა იმ ქვეყანაში იბადებიან, რომელში დაბადებაც უკვე პრობლემას ნიშნავს. არასტაბილურობა, ომის შედეგები, რომელიც ორი წყვილის ურთიერთობებში, მათ სიყვარულზე აისახება. ამ ურთიერთობის შედეგს თაკო შავგულიძე უკვე შემოდგომაზე წარმოგვიდგენს, მანამდე კი „სანგუკო“ და „კონტროლსტუდიო“ ნიკა მაჩაიძის „თამაშის“ გადაღებებზე მუშაობს.