სკანდალური, ეროტიკული ფილმებით ცნობილმა რეჟისორმა, შოთა კალანდაძემ, ფილმები და მთელი თავისი შემოქმედება ერთ დივიდი დისკზე დაატია და მაყურებელს ამ სახით შესთავაზა. დისკის ყდა გაფორმებულია თავად რეჟისორის და იმ მსახიობების ფოტოებით, რომლებთან მუშაობაც შოთას ყველაზე მეტად უყვარს. ლიკა ქავჟარაძე, ნანკა კალატოზიშვილი, ანზორ ნოზაძე, მარინა კახიანი, კახი კავსაძე, შორენა ბეგაშვილი, როლიკო ოქროპირიძე – მისი ფილმების მთავარი გმირები არიან. დისკში შეტანილია ასევე რეჟისორის მიერ გადაღებული კლიპები, რომელთაგან სამი ნუცა შანშიაშვილს ეკუთვნის. ეს ერთგვარი რეტროსპექტივა მაყურებელს საშუალებას მისცემს, ერთი დისკით გაიცნოს ამ საკმაოდ საინტერესო ადამიანის შემოქმედება.