ინგლისელმა ქალმა, რომელმაც 20 წლის ვაჟი დაკარგა, ორიგინალური მეთოდი მოიგონა, როგორ უკვდავეყო შვილი და ერთდროულად სხეულებრივად შეერთებოდა მას. მისი ხსოვნის აღსანიშნავად, მან მელანში შეურია მისი ფერფლი და წელზე ტატუირება გაიკეთა.

„ლოიდი დაბრუნდა იქ, საიდანაც მოვიდა, – ახლა იგი ხელახლა გახდა ჩემი სხეულის ნაწილი“, – თქვა 50 წლის კიმ მორდიუმ. მისი სიტყვებით, იგი ხანგრძლივად და სკურპულოზურად არჩევდა შესაბამის ნახატს და, როგორც კი გაიგო, რომ შეიძლება მისი ფერფლის გამოყენება, მაშინვე დათანხმდა პროცედურაზე.

ტატუ კაბალური ცხოვრების ხეს გამოსახავს, ანგელოზს, რომელიც პეპელას ათავისუფლებს და ლექსს, რომელიც მიძღვნილია შვილისადმი. ქალბატონს ეს ნახატი მისმა ქმარმა, დევიდმა გაუკეთა, რომელიც სამხრეთ უელსში ტატუ-სალონის მფლობელია.

როგორც მისის მორდიუ ამბობს, მისი იდეა ოჯახის ყველა წევრმა და მეგობრებმაც მოიწონეს. უფრო მეტიც, ზოგიერთმა სურვილი გამოთქვა, ამგვარადვე შერწყმოდნენ წასულ ახლობლებს. ტატუ-სალონში მალე, შეიძლება, ამ სახის ცალკეული მომსახურებაც გაჩნდეს.

მისი შვილი – ნიჭიერი რაგბისტი – ნარკოტიკების ჭარბი მიღებით გარდაიცვალა.