***

არაფერია იმაზე გადამდები‚ როგორც უფროსის სიცილი.


***

ფეხბურთის მსოფლიოს ჩემპიონატის წინასწარი საშინაო გარჩევები:

ბრაზილია: „ჩვენ იმდენ გოლს გაგვიტანენ‚ რამდენსაც შეძლებენ‚ ჩვენ კი – რამდენსაც მოვინდომებთ“.

იაპონია: „თუ ვერ გავიტანთ‚ ხარაკირის გავიკეთებთ“.

საფრანგეთი: „ვერ გავიტანთ და... ჩვენ ხომ პარიზში ვბრუნდებით და არა სადმე სხვაგან“.

კორეა: „ჩვენ იმდენ გოლს გავიტანთ‚ რამდენსაც მთავრობა ჩათვლის საჭიროდ“.

გერმანია: „რამდენიც არ უნდა გაგვიტანონ‚ ჩვენი მეკარე მაინც ყველაზე მაგარია მსოფლიოში“.

***

ორი ბიზნესმენი ბარში ზის და სვამს‚ ლაპარაკი თანაშემწე მდივან ქალებზე ჩამოვარდა:

– გავიგე‚ ახალი მდივანი გყოლია.

– დიახ‚ ცოლმა შემირჩია ასეთი‚ როგორ ვთქვა‚ ნატურალური ძველბერძნული ქალღმერთი...

– ვა‚ რა მაგარია! ისეთივე ჭკვიანია‚ როგორიც გარეგნობა აქვს?

– არა‚ ისეთივე ძველი...

***

ადრე მასწავლებელი დაგავალებდა ჰერბარიუმის გაკეთებას. შენც, შეაგროვებდი ბალახს‚ გაახმობდი‚ მიიტანდი სკოლაში‚ მასწავლებელი „ხუთიანს“ დაგიწერდა და იყო მხიარულება.

ახლა, შეაგროვებ ბალახს‚ გაახმობ – მხიარულებაა‚ არც სკოლა გინდა‚ არც მასწავლებელი.