სალათა „ალტერნატივა”

საჭირო ინგრედიენტებია: 400 გრამი შებოლილი „სკუმბრია,” 2 კვერცხი, 2 სადილის კოვზი ლიმონის წვენი. 1 ცალი მწვანე ვაშლი, 1 ცალი პომიდორი, 1 კონა მწვანე ხახვი, 150 გრამი კიტრის მწნილი (სამი ცალი), 100 გრამი მწვანე ბარდა (დაკონსერვებული „გაროხი”), 30 გრამი კამა, 30 გრამი ოხრახუში, 70 გრამი ზეითუნის ზეთი, 1 ჩაის კოვზი ვაშლის ძმარი.

მომზადების წესი: „სკუმბრიის“ ფილე დაანაწევრეთ, ფხა არ უნდა შეჰყვეს. კვერცხი მაგრად მოხარშეთ. გადაავლეთ ცივი წყალი და გაფცქვენით, დაჭერით მოზრდილ ნაჭრებად.

ვაშლი არ გათალოთ. დაჭერით წვრილად, დანამეთ ლიმონით. პომიდორი დაჭერით კუბიკებად.

ხახვი დაჭერით რგოლებად და დაასხით ძმარი. მჟავე კიტრი დაჭერით კუბიკებად. მწვანილი კარგად გარეცხეთ და შეაშრეთ. დაჭერით წვრილად. ყველა ინგრედიენტი მოათავსეთ მინის თასში. უყავით მარილი, პილპილი, მოასხით ზეითუნის ზეთი და აურიეთ. მოაყარეთ მწვანილი.