დიეგო არმანდო მარადონამ მსოფლიოს ჩემპიონატის დაწყებამდე გამოაცხადა, თუ ჩემპიონები გავხდებით, ბუენოს-აირესის მთავარ მოედანზე აღმართულ ობელისკს სამჯერ შიშველი შემოვურბენო და საპასუხო დაპირებებიც მალე გაისმა. „მის არგენტინა 2001-მა“ – ანდრეა ესტევესმა საჯაროდ ფიცი დადო, თუ არგენტინა მუნდიალს მოიგებს, მზად ვარ, დიეგოს ყველა სურვილი შევუსრულოო.

„თუ არგენტინა მსოფლიოს ჩემპიონი გახდება, მზად ვარ, მარადონას ნებისმიერი სურვილი შევუსრულო და თუ მას ენდომება, სტადიონზე, მაყურებლების თვალწინ დავნებდები. მთავარია, მოვიგოთ და უარს არც გამარჯვების გოლის გამტან ფეხბურთელს ვეტყვი“, – განაცხადა ანდრეამ.

იმის გათვალისწინებით, რომ ლეგენდარულმა მწვრთნელმა, 70 წელს მიტანებულმა კარლოს ბილარდომ განაცხადა, თუ არგენტინა მსოფლიოს ჩემპიონი გახდება, ფინალში გადამწყვეტი გოლის გამტანს ლოგინშიც კი ჩავუწვებიო, ანდრეას წინადადება უფრო შთამბეჭდავია.