გერმანიის ნაკრების ახალი ვარსკვლავი ბრემენის „ვერდერის“ ნახევარმცველი, მესუთ ოზილი გახლავთ.

ოზილის მეგობარი გოგონა გერმანული პოპ-დედოფლის, სარა კონორის დაიკო, ანა-მარია გახლავთ. ჰოდა, ფეხბურთელს უთქვამს, თუ გინდა, რომ ცოლად მოგიყვანო, ისლამი უნდა მიიღოო. ანა-მარიასაც ბევრი არ უფიქრია, ისლამი მიიღო და მალეკი (რაც ანგელოზს ნიშნავს) დაირქვა. ეგ კი არადა, გოგონას დედამაც აღიარა, რომ ყურანი ძალიან საინტერესოა და ჯერჯერობით რჯულის გამოცვლაზე არ ფიქრობს, თუმცა, მენიუდან ღორის ხორცი უკვე ამოიღო.

გერმანული მედია კი ვარაუდობს, რომ ანა-მარიამ ეს ოზილის სქელი ჯიბისა და პერსპექტივის გამო გააკეთა. დიდი ალბათობით, მსოფლიოს ჩემპიონატის დასრულების შემდეგ, ოზილი რომელიმე ევროპულ გუნდში გადავა.