***

უფროსმა შენიშვნა მისცა თანამშრომელს‚ რომელიც მთელი დღის განმავლობაში ტელეფონზე იყო
„ჩამოკიდებული“.

– სამსახურებრივ საქმეებზე ვლაპარაკობ... – თავი იმართლა თანამშრომელმა.

– მაშინ‚ მოვითხოვ, კლიენტებს სიტყვებით – სიხარულო‚ საყვარელო და ტკბილო – ნუ მიმართავ!

***

ორი ნასვამი მეგობარი ბანცალით მიუყვება ქუჩას:

– ეჰ‚ რა ბედნიერები ხართ ცოლიანები‚ – ამოიოხრა ერთმა‚ – ოჯახური სიმყუდროვე‚ კომფორტი‚ ვახშამი მაგიდაზე‚ მოსიყვარულე და ალერსიანი ცოლი‚ რომელიც შენს მისვლას ელოდება... ხედავ‚ რომელი საათია და შენს ფანჯარაში ისევ სინათლეა...

– ღმერთო ჩემო‚ მართლა შუქია! – შეშფოთდა ცოლიანი‚ – ისევ ბარში დავბრუნდეთ!

***

გამოკითხვა ფირმაში:

რამდენია 2X2?

ბუღალტერია: ვალუტაზეა დამოკიდებული; სტატისტიკის განყოფილება: საშუალოდ – 4; იურისტები: 3-დან 5-მდე; მარკეტინგის განყოფილება: დავაზუსტებთ; მიწოდების სამსახური – 14: 5 – ჩვენ‚ 5 – თქვენ‚ 4 – სალაროში.

***

ქართული დღეები „მაკდონალდსში“ – ხინკალი და ლუდი.

***

– მამი‚ რო მითხარი 10 ქულას რომ მიიღებ 11 ლარს მოგცემო‚ ხომ არ დაგავიწყდა?

– მერე?

– გუშინწინ 3 ქულა მივიღე‚ გუშინ – 4‚ დღესა კიდენა – 3‚ სულ ხო 10 გამოდის‚ ჰოდა, მომე 11 ლარი!

– აჰა შენ 1 ლარი‚ ა კიდე 1 და, ესეც შენი 11 ლარი!