ამერიკის შეერთებული შტატების თემიდა ფინანსური მაქინაციების საქმის განხილვას აგრძელებს. ამ დღეებში დააკავეს ლი ფარკასი, რომელიც ამერიკული კომპანიის, „ტეილორის“ დირექტორთა საბჭოს თავმჯდომარე იყო იპოთეკური სესხების გაცემის სფეროში. საინტერესოა, რომ ფარკასს, არც მეტი, არც ნაკლები, 1,9 მილიარდი დოლარის მითვისებაში ადანაშაულებენ. გარდა ამისა, მას ბრალად ედება ბანკის აქტივებიდან სახელმწიფოს მიერ გამოყოფილი 400 მილიონი დოლარის უკანონო გზით მისაკუთრების მცდელობაც. ფარკასს ბრალდებები 16 მუხლით წაუყენეს. მათ შორისაა: ფინანსური მაქინაციები, საბანკო აფერისტობა, ფასიან ქაღალდებთან დაკავშირებული და ელექტრონული აფერა, კიდევ ერთი მსხვილი იპოთეკური სააგენტო „ტი-ბი-ვი“, რომლის განკარგულებაშიც მსოფლიო ფინანსური კრიზისის პერიოდში 30 მილიარდი დოლარი იყო. პროკურატურის ვერსიით, ფარკასმა ფინანსურ მაქინაციებში მონაწილეობა ჯერ ჯიდევ 2002 წლიდან დაიწყო, მას შემდეგ, რაც „ტი-ბი-ვის“ კლიენტებისთვის ნაღდი ფულის გადახდის პრობლემები პირველად შეექმნა. ფარკასი ორი ფინანსური ინსტიტუტის – „კოლონიალ ბენკისა“ და „ოკალა ფანდინგის“ ფინანსებს არაკანონიერად იყენებდა. ამ კომპანიებთან მას ფინანსური საქმეები აკავშირებდა. არაკანონიერი გზით მან „კოლონიალ ბენკის“ 400 მილიონი, ხოლო „ოკალა ფანდინგიდან“ კი 1,5 მილიარდი დოლარი მიითვისა.